Yaad rakhna or phir bhula dena

                                                                      Yaad rakhna or phir bhula dena

Us ki aadat hai youn saza dena,,

Apni muhabat mein zara saadgi dekho,,

Jo chor jaye us ko bhi dua dena,

Wo kehta hai mohabat mein kuch faasla rahay,,

Hum chahtay hain apna sub kuch luta dena

Ik guzarish hai agr maan jao to

Wafa k badle hamesha wafa dena.

Aawargi mei hum ne is ko bhi hunar jana,

Iqrar-e-wafa kerna phir us se mukar jana,

Jab khwab nahi koi kya zindagi ka karna hy,

Har subh ko jee uthna har raat ko mar jana,

Shab bhar k Thikane ko ik chatt k siwa kya hy,

Kya waqt pe ghar jana
kya dair se ghar jana,

Aisa na ho darya mei tum baar-e-garaa’n thehro,

Jab log ziada hon kashti se utar jana,

Suqraat k peene se kya mujh pe ayaa’n hota,

Khud zehr piya mei ne tab us ka asar jana,

Jab bhi nazar aao Ge hum tum ko pukare’n ge,

Chaho to thehar jana chaho to Guzar jana.

Sham hote hi wo chokhat par jala kr shamma

apni palkon pe kai khwab sajati hogi

isnay silwa b liye honge siyah rang k libaas

ab matam ki tarha khushi wo manati hogi

mere tareek zamane se nikalne wali

roshni tujh ko meri yaad dilati hogi

dil ki masoom ragen khud hi sulagti hogi

junhi tasvir ka kona wo jalati hogi

roop dekar mujhe is me shehzady ka

bachon ko kahani wo sunati hogi

sochta hon k usy neend b ati hogi

ya meri tarha ashq bahati hogi.

Wo meri shakal mera nam bhulany wali

apni tasvir se kia ankh milati hogi

is zamin pr b hay selaab mere ashqon ka

mere matam ki sada arsh hilati hogi…